जलाधार व्यवस्थापन तथा समन्वय शाखाको कार्यविवरण

मन्त्रालयसँग सम्बन्धित कार्यविधी, मापदण्ड, निर्देशिका तयार गर्न सहयोग गर्ने ।

प्रदेश भित्रका ११ वटै जिल्लाका जलाधार क्षेत्रहरुको विवरण तयार गरी अद्यावधिक गर्ने गराउने ।
भू-संरक्षण तथा जलाधार व्यवस्थापन, जलवायु परिवर्तन, प्रकोप व्यवस्थापन र सिमसार व्यवस्थापन सम्बन्धी आवश्यक कार्यविधि, निर्देशिका तथा मापदण्ड तयार गर्न संलग्न हुने ।
भू तथा जलाधार व्यवस्थापन कार्यालयहरु र अन्य सम्बन्धित कार्यालयहरुले सञ्चालन गरेका भू संरक्षण तथा जलाधार व्यवस्थापन, जलवायु परिवर्तन, प्रकोप व्यवस्थापन र सिमसार व्यवस्थापनसँग सम्बन्धित कार्यक्रमहरुको अनुगमन योजना बनाई नियमित अनुगमन गरी प्रतिवेदन पेश गर्ने ।
जलाधार व्यवस्थापन, जलवायु परिवर्तन, प्रकोप व्यवस्थापन र सिमसार व्यवस्थापनसँग सम्बन्धित सरकारी निकायहरु, गैर सरकारी संस्थाहरु र दातृ निकायहरु लगायतका सरोकारवालाहरुसँग आवश्यक समन्वय गर्ने ।
मन्त्रालय, निर्देशनालयबाट निर्दिष्ट गरे बमोजिम प्रदेशको आवधिक एवं बार्षिक योजना तथा बजेट तर्जुमा गर्ने कार्यमा सहयोग गर्ने ।
जलवायु परिवर्तन अनुकुलन/समानुकुलन योजना तर्जुमा तथा कार्यान्वयन गर्ने गराउने ।
वातावरणीय सेवा भुक्तानीको प्रकृया अवलम्बन गर्न सहयोग गर्ने ।
उपल्लो तटीय र तल्लो तटिय अन्तर सम्बन्धित एकिकृत जलाधार व्यवस्थापन कार्यक्रम प्रभावकारी रुपमा सञ्चालन गर्न लगाउने ।
मन्त्रालयबाट निर्दिष्ट गरे बमोजिम भू-संरक्षण तथा जलाधार व्यवस्थापन सम्बन्धी कार्यक्रमको आवधिक एवं बार्षिक योजना तथा बजेट तर्जुमा गर्ने, गराउने ।
भू-संरक्षण तथा जलाधार व्यवस्थापन, जलवायु परिवर्तन अनुकुलन तथा समानुकुलन, प्रकोप व्यवस्थापन र सिमसार व्यवस्थापनसँग संबन्धित तथ्याङ्क तथा सूचना संकलन, विश्लेषण, अध्ययन अनुसन्धान गर्ने गराउने ।
प्रदेशस्तरमा सञ्चालित भू-संरक्षण तथा जलाधार व्यवस्थापन कार्यक्रम आयोजनाहरुको कार्यान्वयन, सञ्चालन, अनुगमन एवं मूल्याकंन गर्ने, गराउने ।
शाखाको भौतिक साधनहरुको स्याहार सम्भार, मर्मत एवं संरक्षण गर्ने व्यवस्था मिलाउने ।
अधिनस्थ कार्यहरुको बार्षिक कार्यक्रम तथा बजेट तर्जुमा गरी गराई स्वीकृतीको लागि सुपरिवेक्षक समक्ष पेश गर्ने।
अधिनस्थ कार्यको कार्य प्रगति प्रतिवेदन तयार गरी गराई सुपरिवेक्षक समक्ष पेश गर्ने ।
सम्बन्धित बिषयमा हुने बैठक, तालिम, गोष्ठी, सम्मेलन आदिमा भाग लिने ।
यस शाखालाई निर्दिष्ट गरीएका अन्य कार्यहरु गर्ने ।